КЫРГЫЗ-ТҮРК “МАНАС” УНИВЕРСИТЕТИНИН ЧЕТ ТИЛДИ БИЛҮҮ ДЕҢГЭЭЛИН АНЫКТОО СЫНАГЫ ЖӨНҮНДӨ ЖОБОСУ
Максаты жана мазмуну
1-берене. Бул нускаманын максаты – чет тилди билүү деңгээлин аныктоо үчүн өткөрүлө турган сынакка байланыштуу жол-жоболорду иштеп чыгуу. Бул жобо арыз тапшыруу шарттарына жооп берген арыз ээлерине тиешелүү.
Сынак өткөрүүчү тарап
2-берене. Чет тилди билүү деңгээлин аныктоо сынагын өткөрүүчү тарап – университеттин ректораты. Ректорат келишимдин негизинде башка тараптарды да аныктай алат.
Аныктамалар жана кыскартуулар
3-берене. Бул нускамада төмөнкүдөй түшүнүктөр колдонулат:
Университет : Кыргыз-Түрк “Манас” университети;
Ректорат : Кыргыз-Түрк “Манас” университетинин ректораты;
Окумуштуулар кеӊеши : Кыргыз-Түрк “Манас” университетинин Окумуштуулар кеӊеши;
Борбор : Кыргыз-Түрк “Манас” университетинин студенттерди тандоо жана жайгаштыруу борбору;
УБК : Университеттин Башкаруу кеңеши;
Сынак : Чет тилди билүү деңгээлин аныктоо сынагы.
Сынакты өткөрүү
4-берене.
- Сынак жылына кеминде үч жолу УБК тарабынан аныкталган күндө өткөрүлөт.
- Сынак күндөрү окуу календарында жарыяланат.
- Сынак Борбор тарабынан тест түрүндө өткөрүлүп жыйынтыкталат.
- Сынактар кыргыз, түрк, англис жана орус тилдеринде жүргүзүлөт.
- Талап кылынган учурда сынак француз, немис, кытай, татар, казак, түркмөн, уйгур, араб жана фарс тилдеринде да өткөрүлүшү мүмкүн. Аталган тилдерден сырткары Окумуштуу-лар кеңеши тарабынан ылайык көрүлгөн чет тилде сынак жүргүзүлүшү мүмкүн. Бул сынактарды өткөрүү тартиби Борбор тарабынан аныкталат.
Арыз тапшыруу шарттары
5-берене.
- Жашы жеткен талапкерлер ким экендигин күбөлөндүргөн документтерге, кеминде орто билими жөнүндө аттестатка же ага эквиваленттүү документке ээ болушу керек.
- Талапкерлер Борбор тарабынан даярдалган арыз формасын толтуруп, Борборго кайрылышат.
- Сынак тапшыруу боюнча төлөм ар бир сынак үчүн Борбор тарабынан аныкталып, жарыяланган банк эсебине которулат.
Сынак жыйынтыктарын баалоо
6-берене. Сынак жыйынтыктары 100 балл боюнча эсептелинет:
91 – 100 арасында A
81 – 90 арасында B
71 – 80 арасында C
61 – 70 арасында D
51 – 60 арасында E
Сынактын жыйынтыктары боюнча сертификат
7-берене. Сынактын аягында сынакка кирген талпакерлерге сынактын жыйынтыктары боюнча сертификат берилет.
Сынак жыйынтыктарын колдонуу
8-берене. Университетке караштуу факультет, институт жана жогорку мектептерде чет тили боюнча сынак жыйынтыктары талап кылынса, бул сынактын жыйынтыктары колдонулушу мүмкүн. Ар бир түзүм үчүн колдонулган сынак жыйынтыктары тийиштүү түзүмдүн башкаруу кеңеши тарабынан аныкталат.
Күчүнө кириши
9-берене. Бул жобо университеттин Башкаруу кеӊеши тарабынан кабыл алынган күндөн тарта күчүнө кирет.
Ишке ашырылышы
10-берене. Бул жобо Кыргыз-Түрк “Манас” университетинин ректораты тарабынан ишке ашырылат.
Жокко чыгаруу
11-берене. 2017-жылдын 9-январында күчүнө кирген “КТМУнун чет тилди билүү деңгээлин аныктоо сынагы жөнүндө жобосу” жокко чыгарылган.
Убактылуу берене. 2007-2008-окуу жылында өткөрүлө турган сынак окуу календарында аныкталган тартипте жүргүзүлөт.
Бул жобонун 4-беренесинин (e)-пунктуна Окумуштуулар кеӊешинин 2014-жылдын 18-мартындагы 2014-06.28-номерлүү чечими менен өзгөртүүлөр киргизилген.
Бул жобо Кыргыз-Түрк “Манас” университетинин Башкаруу кеӊешинин 2008-жылдын 18-мартындагы 2008-07.35-номерлүү чечими менен кабыл алынган.
