КЫРГЫЗ-ТҮРК МАНАС УНИВЕРСИТЕТИ

KIRGIZİSTAN-TÜRKİYE MANAS ÜNİVERSİTESİ

мыйзам

КЫРГЫЗ-ТҮРК “МАНАС” УНИВЕРСИТЕТИНИН САТЫП АЛУУ ЖАНА ТЕНДЕР ӨТКӨРҮҮ БОЮНЧА НУСКАМАСЫ

БИРИНЧИ БӨЛҮК

Тендер өткөрүүнүн жол-жобосу жана келишим

БИРИНЧИ БӨЛҮМ

Максаты, мазмуну, укуктук негиздемеси, аныктамалар жана негизги принциптер

Максаты жана мазмуну

1-берене. Бул нускама Кыргыз-Түрк “Манас” университети жана ага караштуу түзүмдөр муктаж болгон ар түрдүү товарларды жана кызмат көрсөтүүлөрдү сатып алуу жол-жоболорун аныктоо максатында даярдалган.

Укуктук негиздеме

2-берене. Бул нускама Кыргыз-Түрк “Манас” университетинин Уставынын 5-беренесинин 7-пунктуна ылайык даярдалган.

Аныктамалар жана кыскартуулар

3-берене. (1) Бул нускамада төмөнкүдөй түшүнүктөр колдонулат:

1. Төрага: Университеттин Камкорчулар кеңешинин төрагасы;

2. Камкорчулар кеңеши: Кыргыз-Түрк “Манас” университетинин Камкорчулар кеңеши;

3. Ректор: Кыргыз-Түрк “Манас” университетинин Ректору;

4. Финансылык иштер боюнча жооптуу киши: Кыргыз-Түрк “Манас” университетинин Ректору;

5. Тендердик комиссия: Тендер иштерин уюштуруп өткөрүү үчүн Ректор тарабынан түзүлгөн комиссия;

6. Администрация: Кыргыз-Түрк “Манас” университети;

7. Товарлар: Сатып алынган ар түрдүү зарыл буюмдар, кыймылдуу жана кыймылсыз мүлктөр жана укуктар;

8. Кызмат көрсөтүүлөр: Тейлөө жана оңдоо, ташуу, телебайланыш жагынан кызмат көр-сөтүү; камсыздандыруу жагынан кызмат көрсөтүү; илимий-изилдөө жана тажрыйба-лык-конструктордук иштерди уюштуруу, бухгалтердик иштерди алып баруу, рынокту изилдөө жана сурамжылоо жүргүзүү, консультациялык кызмат көрсөтүүлөр, таанытуу иштерин алып баруу, басмаканалык кызмат көрсөтүүлөр, жыйнап-тазалоо, тамак даяр-доо жана тейлөө, жыйындарды, көргөзмөлөрдү ж.б. иш-чараларды уюштуруу, коопсуз-дук жааатындагы кызмат көрсөтүүлөр; орто кесиптик билим берүү, сүрөт жана тасма-ларды тартуу, интеллектуалдык укук жана көркөм өнөр, компьютерлерди долбоорлоо, орнотуу, программалык камсыз кылуу, кыймылдуу жана кыймылсыз мүлктөрдү жана укуктарды ижарага алуу ж.б.у.с. кызмат көрсөтүүлөр;

9. Курулуш иштери: Имарат, спорттук объекттер, инфратүзүм, түтүк өткөргүч линиясы, коммуникациялык инфратүзүм жана электр өткөргүч линиясы, ирригациялык курулуш-тар жана топуракты жакшыртуу сыяктуу ар кандай курулуш иштери жана бул иштерге байланыштуу орнотуу, өндүрүү, даярдык иштерин жүргүзүү, ташуу, капиталдык ремонт-тоо, реставрациялоо, ички жана тышкы жасалгалоо, бургулоо, монтаждоо ж.б.у.с. иштер;

10. Тейлөөчү: Товарларды сатып алуу боюнча тендерге катышуу үчүн арыз берген жеке жана юридикалык жактар же алардын ортосунда түзүлгөн өнөктөштүк;

11. Кызмат тейлөөчү: Кызмат көрсөтүүлөрдү сатып алуу боюнча тендерге катышуу үчүн арыз берген жеке жана юридикалык жактар же алардын ортосунда түзүлгөн өнөк-төштүк; 

12. Курулуш иштери боюнча подрядчы: Курулуш иштери боюнча тендерге катышуу үчүн арыз берген жеке жана юридикалык жактар же алардын ортосунда түзүлгөн өнөк-төштүк;

13. Талапкер: Алдын ала квалификациялоого катышуу үчүн табыштама берген жеке жана юридикалык жактар же алардын ортосунда түзүлгөн өнөктөштүк;

14. Өнөктөштүк: Тендерге катышуу үчүн бирден көп жеке жана юридикалык жактардын ортосунда келишимдин негизинде түзүлгөн өнөктөштүк же консорциум;

15. Тендердин катышуучулары: Товарларды же кызмат көрсөтүүлөрдү сатып алуу менен курулуш иштери боюнча тендерге катышуу үчүн арыз берген подрядчы, кызмат тейлөөчү же курулуш иштери боюнча подрядчы;

16. Подрядчы: Тендерде уткан жана келишимге кол койгон талапкер;

17. Тендерди уюштуруп өткөрүү боюнча жооптуу киши: Тендерди уюштуруп өткөрүү жана акча каражаттарын жумшоо укугуна жана жоопкерчилигине ээ болгон киши же тийиштүү жол-жобого ылайык финансылык иштер боюнча жооптуу киши тарабынан дайындалган кызматкерлер;

18. Тендердик табыштама: Аныкталган подрядчылардын ичинен алдын ала квалифика-циялоого катыша турган талапкерлер тарабынан берилген документтер;

19. Тендердик документтер: Тендердин жүйөсү болгон товарлар же кызмат көрсөтүүлөр менен курулуш иштери боюнча подрядчылардын милдеттенмелерин жана админис-тративдик тапшырманын негизинде аткарыла турган иштердин долбоорун камтыган техникалык тапшырма, келишимдин долбоору жана башка керектүү документтер;

20. Тендер: Бул нускамада аныкталган жол-жобого ылайык товарларды же кызмат көрсө-түүлөрдү сатып алуу менен курулуш иштери боюнча подрядчылардын ичинен бирөө-нүн тендерде уткандыгын көрсөткөн жана тендерди уюштуруп өткөрүү боюнча жооптуу киши тарабынан макулдук берилгенден кийин келишимге кол коюу менен аякталган иш-чаралар;

21. Сунуш: Тийиштүү мыйзамга ылайык өткөрүлө турган тендерлерде подрядчы тарабынан администрацияга берилген кызмат көрсөтүүнүн наркын камтыган, каралып чыгууга тийиш болгон документтер жана маалыматтар;

22. Ачык тендер өткөрүү: Бардык подрядчылар сунуш бере ала турган тендер;

23. Аныкталган подрядчылардын ортосунда тендер өткөрүү: Алдын ала квалификация-лоонун натыйжасында администрация тарабынан чакырылган подрядчылар сунуш бере ала турган тендер;

24. Тоорук-соода жүргүзүү: Бул нускамада көрсөтүлгөн учурларда колдонула турган, 2 этапта өткөн, тендердин жүйөсү болгон жумуштун техникалык деталдары жана бул жумуштарды аткаруу ыкмалары жана белгилүү бир учурларда кызмат көрсөтүүлөрдүн наркы боюнча администрация менен подрядчылар ортосунда жүргүзүлгөн сүйлөшүү-лөр;

25. Түздөн-түз камсыздоо: Бул нускамада белгиленген учурларда администрация тарабынан чакырылган подрядчылар менен техникалык тапшырма жана наркы боюнча сүйлөшүүлөр жүргүзүлүп, муктаждыктарды түздөн-түз камсыздандыруу;

26. Келишим: Товарларды же кызмат көрсөтүүлөрдү сатып алуу жана курулуш иштери боюнча администрация менен подрядчылар ортосунда түзүлгөн жазуу түрүндөгү келишим.

Негизги принциптер

4-берене. Администрация бул нускамага ылайык өткөрүлө турган тендерлер боюнча ачык-айкындыкты, атаандаштыкты, бирдей мамилени, ишенимдүүлүктү, купуялуулукту, муктаж-дыктарды тийиштүү тапшырмада жана убагында камсыздандырууну жана булактардын өндүрүмдүү колдонулушун камсыз кылууга жооптуу болуп саналат.

ЭКИНЧИ БӨЛҮМ

Талаптарды билдирүү, тендердик комиссия, тендерди өткөрүү жол-жоболору

Талаптарды билдирүү

5-берене.

1. Товарларды же кызмат көрсөтүүлөрдү сатып алууга же курулуш иштерин жүргүзүүгө муктаждык пайда болгондо, тийиштүү бөлүм тендерди өткөрүү боюнча жооптуу киши-ден макулдук алгандан кийин арызын курулуш иштери же сатып алуу башкармалыгына жиберет.

2. Макулдук баракчасында жана анын тиркемесинде орун алышы керек болгон документтер:

1. Муктаждыктын түрү;

2. Муктаждыктын зарылдыгы;

3. Жумуштун болжолдуу наркы;

4. Төлөмдүн суммасы;

5. Долбоордун номери (бар болсо);

6. Тендердин түрү;

7. Тендердик комиссиянын мүчөлөрү;

8. Тендер өткөрүлүүчү жер (Кыргызстан же Түркия) ж.б. документтер.

3. Курулуш жана/же ар түрдүү сатып алуу иштерине тиешелүү техникалык тапшырма (бар болсо) макулдук баракчасына тиркелет. Сатып алуу иши техникалык тапшырманы талап кылбаса, сатып алынуучу товарлардын техникалык мүнөздөмөлөрү макулдук баракчасында орун алат же ага тиркелет.

4. Курулуш иштеринин жана/же сатып алынуучу товарлардын же кызмат көрсөтүүлөрдүн администрациянын булактарынан башка фонд, кредит, грант ж.б. жолдор аркылуу камсыз кылынуусу карала турган болсо, Камкорчулар кеӊешинин макулдугу алынышы керек. Курулуш иштери жана товарлар жана/же кызмат көрсөтүүлөрдүн фонд, кредит, грант ж.б. жолдор аркылуу камсыз кылынуусу кабыл алына турган болсо, бул макулдук баракчасында көрсөтүлөт. Кредит чет өлкөдөн алына турган болсо, талапкерлердин сунуштары менен кошо кредиттөө боюнча сунуштар да көрсөтүлөт.

5. Сатып алуу же курулуш иштери башкармалыгына жиберилген макулдук баракчалары каралып чыгылып, сатып алуу же курулуш иштери  боюнча тендердик документтер түзүлөт жана 10 күндөн 45 күнгө чейинки мөөнөттүн ичинде административдик тап-шырма жана келишимдин долбоору даярдалып, сатып алуу иштери башталат.

Тендердик комиссия

6-берене.

1. Тендердик комиссия университеттин кызматкеринин жетекчилиги астында болуп, анын курамын тендердин жүйөсү боюнча адис болгон эки кызматкер жана университетте бухгалтердик же финансылык иштер боюнча жооптуу болгон кеминде төрт кызматкер түзүп, бардыгы болуп беш кишиден турат. Тендердик комиссия түзүлүп жатканда, кошумча мүчөлөр да аныкталат.

2. Университетте кызматкерлер жетиштүү санда же зарыл сапатка ээ болбогон учурда, башка мамлекеттик мекеме жана уюмдардан комиссияга мүчө, байкоочу, байкоочу-адис дайындалышы мүмкүн.

3. Документтерди карап чыгуу үчүн тендердик документтердин бир нускасы кулактан-дыруу жарыяланган же чакыруу жасалган күндөн тартып, үч күндүн ичинде тендердик комиссиянын мүчөлөрүнө жиберилет.

4. Тендердик комиссиянын мүчөлөрү толук болууга тийиш. Төраганы кошо алганда ко-миссия мүчөлөрүнүн ар бири бир жолу добуш берүүгө укуктуу. Комиссиянын чечими көпчүлүк добуш аркылуу кабыл алынат. Чечим кабыл алууда бейтарап калганга бол-бойт. Комиссиянын төрагасы жана мүчөлөрү берген добушу жана чыгарган чечимдери боюнча жооптуу болушат. Комиссиянын чечимдеринде жүйөөлүү себептер да камты-лат. Мүчөлөр добуш берүүдөн же чечимге кол коюудан баш тарта алышпайт. Чечимге каршы добуш берген комиссия мүчөлөрү жүйөөлүү себебин комиссиянын чечимине жазып, кол коюуга милдеттүү.

5. Тендердик комиссия тарабынан кабыл алынган чечимдерде жана протоколдордо комиссия төрагасынын жана мүчөлөрүнүн аты-жөнү, кызматы жазылып, кол коюулушу керек.

6. Каза болуу, кызматтан чыгуу, кызматынан бошотулуу, убактылуу кызмат аткаруу же ооруп калуу сыяктуу юридикалык же чыныгы себептерден улам мүчөлүгүн уланта албагандардын ордуна орун басарлары же кошумча мүчөлөр дайындалат.

Тендердин түрлөрү

7-берене. Администрация тарабынан товарларды, кызмат көрсөтүүлөрдү сатып алуу же курулуш иштери ж.б.у.с. бардык тендерлерде төмөнкүдөй түрлөр колдонулат:

1. Ачык тендер;

2. Аныкталган подрячылар ортосундагы тендер;

3. Тоорук-соода;

4. Түздөн-түз камсыздоо.

Ачык тендер

8-берене. Ачык тендер – бардык подрядчылар сунуш бере ала турган тендер.

Аныкталган подрядчылар ортосундагы тендер

9-берене. Алдын ала квалификациялоонун натыйжасында администрация тарабынан чакы-рылган подрядчылар сунуш бере ала турган тендердин түрү болуп саналат. Иштин өзгөчөлүгү адистикти жана/же жогорку технологияны талап кылган учурда, ачык тендер өткөрүүгө болбой турган товарлар же кызмат көрсөтүүлөр менен курулуш иштери боюнча тендер бул түргө жараша өткөрүлүшү мүмкүн.

Администрация тарабынан аныкталган минималдуу квалификациялык талаптарга жооп бере албагандар тендерге кабыл алынбайт жана жүйөөлүү себептери тийиштүү талапкерлерге жазуу түрүндө билдирилет.

Иштин өзгөчөлүгүнө жараша атаандаштыкка бөгөт болбогондой болуп даярдалган жана тен-дердик документтер менен чакыруу катында аныкталган баалоо критерийлери боюнча сунуштар каралып чыгылып, тендер аякталат.

Тендерге чакырыла турган талапкерлердин саны 5тен аз же сунуш берген подрядчылардын саны 3төн аз болгон учурда тендер өткөрүлбөйт.

Сунуш берген подрядчылардын саны 3төн аз болуусунан улам тендер өткөрүлбөгөн учурда тендердик документтер каралып чыгылып, каталар жана кемчиликтер бар болсо оӊдолуп, аныкталган подрядчылар менен бирге тендерге катышууну каалаган башка подрядчылар да кайрадан чакырылып, тендер аякташы мүмкүн.

Сунуштар чапталган конверттин ичинде болууга тийиш. Бирок шашылыш түрдө же чет өлкөлүк фирмалардан сатып алуу зарыл болгон учурда, табыштамалар жана макулдук баракчалары факс же электрондук почта аркылуу да кабыл алынат.

Тоорук-соода жүргүзүү

10-берене. Төмөндө көрсөтүлгөн учурларда тоорук-соода аркылуу тендер өткөрүлүшү мүм-күн. Тоорук-соода 2 этапта өткөрүлүп, администрация менен подрядчылар ортосунда тен-дердин жүйөсү болгон жумуштун техникалык деталдары менен бул жумуштарды аткаруу ыкмалары жана белгилүү бир учурларда наркы боюнча сүйлөшүүлөр жүргүзүлөт.

1. Ачык тендер же аныкталган подрядчылар ортосунда тендер боюнча өткөрүлгөн тендерлердин жыйынтыгында сунуштун жок болушу;

2. Табият кырсыктары, жугуштуу оорулар, коопсуздук коркунучу сыяктуу күтүлбөгөн же администрация тарабынан алдын ала чара көрүлбөгөн окуялардан улам тендерди шашылыш түрдө өткөрүүнүн зарылдыгы;

3. Тендердин илим-изилдөө жана тажрыйбалык-конструктордук иштерди жүргүзүү про-цессине муктаждыгынын жана массалык өндүрүш менен байланышынын жоктугу;

4. Тендердин жүйөсү болгон кызмат көрсөтүүлөрдү сатып алуу ишинин бөтөнчөлүү жана башаламан болуусунан улам техникалык жана финансылык мүнөздөмөлөрүнүн ачык-айкын аныкталбашы;

5. Администрациянын болжолдуу суммасы 150.000 АКШ долларга чейин болгон товар-ларды, материалдарды же кызмат көрсөтүүлөрдү сатып алуу менен курулуш иштери;

6. Келишимдин бузулушу же жоюлушунан улам бүтүрүлө элек иштердин тез арада бүткөрүлүшү.

(b) жана (e) пункттарында көрсөтүлгөн учурларда кулактандыруу сөзсүз түрдө жарыяланууга тийиш эмес. Кулактандыруу жарыяланбаган учурда кеминде үч талапкер чакырылат дагы, алардан тийиштүү документтерин сунуштун наркы менен кошо тапшырышы талап кылынат.

(a), (c), (d) жана (f) пункттарына ылайык өткөрүлө турган тендерлерде тендердик документ-терде көрсөтүлгөн баалоо критерийлерине жараша кесиптик компетенттүүлүгү аныкталган подрядчылар тендердин жүйөсү болгон техникалык деталдар жана аларды ишке ашыруу ыкмалары сыяктуу наркты өз ичине камтыбаган алгачкы сунуштарын беришет.

Администрациянын муктаждыктарын толук кандуу камсыздоо боюнча тендердик комиссия ар бир подрядчы менен жолугушат.

Техникалык жолугушуулардын натыйжасында шарттар такталгандан кийин бул шарттарды аткара ала турган подрядчылардан сунуштун наркын өз ичине камтыган табыштамаларды берүүсү талап кылынат.

Бул берененин алкагында өткөрүлө турган тендерлерде алгачкы сунуштун наркынан ашпа-гандай болуп, тендердин чечими үчүн негиз боло турган талапкерлердин акыркы сунушунун наркы кабыл алынып, тендер аякталат.

(b) жана (e) пункттарынын алкагында өткөрүлө турган товарларды сатып алууларда товар ке-лишимдин мөөнөтү ичинде жеткирилип берилсе жана администрация тарабынан кабыл алынса келишим түзүүнүн, кепилдик алуунун зарылдыгы жок.

Түздөн-түз камсыздоо ыкмасы

11-берене. Төмөндө берилген учурларда администрация тарабынан чакырылган же анык-талган подрядчылар менен техникалык тапшырма жана наркы тууралуу сүйлөшүүлөр жүргү-зүлүп, кулактандыруу жарыяланбастан жана кепилдик алынбастан түздөн-түз камсыздоо ыкмасы колдонулат.

1. Керектөөнүн жалаң гана жеке же юридикалык жак тарабынан камсыздала тургандыгы аныкталган жана аталган жеке же юридикалык жак керектөөгө байланыштуу өзгөчө укукка ээ болгон учурда;

2. Товарларды же кызмат көрсөтүүлөрдү сатып алуунун уландысы катары эсептелген жабдыктар, технологиялык жабдуулар же кызматтар менен шайкештикти жана стандартташтырууну камсыздоо же болбосо иштин бүтүрүлүшү үчүн зарыл болгон материалдар жана кызмат көрсөтүүлөр;

3. Администрациянын өкүлчүлүк кылуу жана конокторду тосуу иш-чараларынын алкагында мейманкана, саякат жана тамак-ашка байланыштуу сатып алуулар;

4. Администрациянын керектөөсүнө ылайык кызмат көрсөтүүлөрдү, кыймылдуу жана кыймылсыз мүлктөрдү сатып алуу же ижарага алуу;

5. Өзгөчөлүгүнө байланыштуу кампада сактап коюуга болбой турган жана чукул кырдаалдарда колдонулчу дары-дармектер, медициналык каражаттар менен тестирлөө жана текшерүү жүргүзүү материалдарынын сатып алынышы;

6. Ар кандай юридикалык кызмат көрсөтүүлөрдүн сатып алынышы;

7. Кампада сактоо, жыюу, ташып келүү жана жүк ташуу сыяктуу иштер үчүн кызмат көрсөтүүлөрдү сатып алуу;

8. Суммасы 100.000 АКШ долларынан ашпаган администрациянын ар кыл керектөөлөрү.

Бул ыкма менен жүргүзүлүүчү сатып алууларда тендердик комиссияны түзүү, тапшырманы даярдоо, кепилдикти алуу, келишимге кол коюу жана квалификациялык эрежелерди сактоо талап кылынбастан, тендерди уюштуруп өткөрүү боюнча жооптуу киши тарабынан дайын-дала турган киши же кишилер тарабынан рынокту анализдөө иши жүргүзүлүп, керектөөлөр экономикалык жактан эң ылайыктуу түрдө камсыздалат.

Шашылыш сатып алуулар

12-берене. Өрт, жер титирөө, сел, суу ташкыны сыяктуу табият кырсыктары; жугуштуу оорулар, терроризм, коопсуздук, коргонуу жана башка мамлекеттик уюмдар менен параллелдүү түрдө жүргүзүлүшү керек болгон иштер менен университет түздөн-түз туш болгон чукул кырдаалдар сыяктуу күтүүсүз жана алдын ала күтүлбөгөн окуялардан улам зарыл товарлар же кызмат көрсөтүүлөр эң жогорку жетекчинин жазуу же оозеки түрүндөгү, же болбосо электрондук почта аркылуу буйругу менен камсыздалат. Бул товарларды же кызмат көрсөтүүлөрдү сатып алуу боюнча макулдук алуу ж.б.у.с. иш-чаралар кийинчерээк бүткөрүлүшү керек.

Шашылыш сатып алууларда керектөөгө жараша түздөн-түз сатып алуу ыкмасы менен кошо ар түрдүү сатып алуу ыкмалары да колдонулушу мүмкүн.

Расмий мекемелерден сатып алуу

13-берене. Кыргыз Республикасында жана Түркия Республикасында 51%дык акциясы мамлекетке тийиштүү болгон мекемелер жана уюмдар менен келишим түзүлүп, товарлар, кызмат көрсөтүүлөр же курулуш иштерине байланыштуу иштерди бул мекемелерден сатып алуусу же аларга аткартуусу мүмкүн.

Ички жана тышкы жасалгалоо боюнча конкурс

14-берене. Зарыл болгон архитектурага, жашылдандырууга, инженердик изилдөөлөргө, көр-көм өнөр чыгармаларына тийиштүү планды же долбоорду иштеп чыгуу үчүн администрация тарабынан аныкталган жол-жоболорго ылайык атаандаштыкты камсыз кылуунун негизинде кулактандыруу жарыяланып, жюри тарабынан баалоо иши жүргүзүлүп, байгелүү же байгесиз конкурс уюштурулушу мүмкүн.

ҮЧҮНЧҮ БӨЛҮМ

Квалификациялык эрежелер, тендерге катыша албай тургандар, тендердик документтер, тапшырмалар, тендер жана алдын ала квалификациялык документтер, болжолдуу бюджет

Тендерге катышууда талап кылынуучу квалификациялык эрежелер

15-берене. Тендерге катыша турган талапкерлердин экономикалык жана финансылык абалы менен кесиптик жана техникалык компетенттүүлүгүн аныктоо үчүн төмөндө көрсөтүлгөн маалыматтар жана документтер талап кылынат.

1. Экономикалык жана финансылык абалын аныктоо үчүн:

1. Банктар тарабынан камсыз кылына турган талапкерлердин финансылык абалына байланыштуу документтер;

2. Тийиштүү мыйзам боюнча жарыяланышы керек болгон талапкердин балансы же баланстын зарыл бөлүмдөрү, же болбосо буларга эквиваленттүү документтер;

3. Талапкердин иш көлөмүн көрсөткөн документ же тендердин жүйөсү болгон иш боюнча милдеттенмеси жана аткарган иш көлөмүн көрсөткөн документтер;

2. Кесиптик жана техникалык компетенттүүлүгүн аныктоо үчүн: 

1. Талапкердин мыйзамга ылайык тийиштүү мекемеге катталып, иш жүргүзүп жаткан-дыгын жана мыйзамдуу түрдө сунуш берүү укугуна ээ болгондугун тастыктаган документтер;

2. Талапкердин мамлекеттик же жеке сектор менен түзүлгөн келишиминин алкагында тендердин жүйөсү болгон иш боюнча милдеттенме алган иштерге ж.б.у.с. байла-ныштуу:

1. Акыркы он беш жылдын ичинде убактылуу түрдө кабыл алынган жана/же кабыл алуу иш-чарасы аяктаган курулуш иштерине тийиштүү кызмат көрсөтүүлөр боюнча тажрыйбасын көрсөткөн документтер.

2. Акыркы он беш жылдын ичинде убактылуу түрдө кабыл алынган жана/же кабыл алуу иш-чарасы аяктаган курулуш иштерине тийиштүү кызмат көрсөтүүлөрдө келишимдин наркы кеминде 80 пайыз көлөмүндө текшерилген же башкарылган иштер боюнча тажрыйбасын көрсөткөн документтер;

3. Улантылып жаткан курулуш иштерине байланыштуу кызмат көрсөтүүлөрдө кели-шимдин алгачкы наркын төлөө шарты менен акыркы он беш жылдын ичинде жү-зөгө ашыруу катышы келишимдин жалпы наркынын кеминде 80 пайызына чейин жеткен жана кынтыксыз ишке ашырылган, текшерилген же башкарылган иштер боюнча тажрыйбасын көрсөткөн документтер;

4. Акыркы беш жылдын ичинде кабыл алуу иш-чарасы аяктаган товарларды жана кызмат көрсөтүүлөрдү сатып алуу боюнча тажрыйбасын көрсөткөн документтер;

5. Тапшырылып берилген иштер боюнча келишимдин наркынын кеминде 80 пайы-зын төлөө шарты менен акыркы он беш жылдын ичинде убактылуу түрдө кабыл алынган жана/же кабыл алуу иш-чарасы аяктаган курулуш иштерине тийиштүү кызмат көрсөтүүлөр жана акыркы беш жылдын ичинде кабыл алуу иш-чарасы аяктаган товарларды жана кызмат көрсөтүүлөрдү сатып алуу боюнча тажрыйба-сын көрсөткөн документтер.

3. Талапкердин иш өндүрүмдүүлүгү, илим-изилдөө жана тажрыйбалык-конструктордук иштери жана сапатты камсыздоо боюнча документтери.

4. Талапкердин тендердин жүйөсү болгон ишти аткаруу үчүн уюштуруу түзүмүндө ке-ректүү санда жана квалификацияга ээ кызматкерлерди иштеткенин же иштете тур-гандыгын көрсөткөн маалыматтар жана документтер.

5. Тендердин жүйөсү болгон кызмат көрсөтүүлөр же курулуш иштеринде талапкердин башкаруу штаты менен ишти жүргүзө турган техникалык кызматкерлердин билим деңгээлин жана кесипкөйлүгүн көрсөткөн документтер.

6. Тендердин жүйөсү болгон ишти аткаруу үчүн зарыл болгон курулмалар, жабдуулар ж.б. тийиштүү документтер.

7. Талапкерге түздөн түз тийиштүү болсо да, болбосо да сапатты текшерүү боюнча жооптуу болгон техникалык кызматкер же техникалык мекемелерге тийиштүү документтер.

8. Тендердин жүйөсү болгон иштин тендердик документтерде аныкталган стандарт-тарга туура келерин көрсөткөн, эл аралык эрежелерге ылайык аккредитацияланган сапатты текшерүү боюнча мекемелер тарабынан берилген сертификаттар.

9. Администрация талап кылган учурда тууралыгын тастыктоо үчүн камсыздала турган товарлардын үлгүлөрү, каталогдору же сүрөттөрү.

Тендердин жүйөсү болгон иштин өзгөчөлүгүнө жараша жогоруда көрсөтүлгөн маалыматтар-дын же документтердин ичинен кайсылары баалоо ишинде колдонула тургандыгы тендер-дик документтерде же алдын ала квалификациялоого байланыштуу кулактандыруу же чакы-руу документтеринде көрсөтүлөт.

Биринчи пункттун (b) пунктчасынын экинчи абзацында көрсөтүлгөн документтер боюнча курулуш иштери жана ага тийиштүү кызмат көрсөтүүлөрдө текшерүү жана башкаруу кызма-тына дайындалган кишилер инженер же архитектор болууга тийиш. Ишти бүтүрүү, башкаруу же текшерүү жолу менен топтолгон документтер документтин ээси болгон кишилерден же мекемелерден башка подрядчылар тарабынан колдонулбайт. Документтер башка бирөөгө берилбейт жана сатылбайт. Документтин ээлери түзө турган же өнөктөш боло турган юридикалык жактардын тендерге катышуусу үчүн кеминде бир жыл бою юридикалык жактын жарымынан көп акцияга ээ болуусу, бул үлүш ошол деңгээлинде ар бир тендерде жана кепилдик мөөнөтү ичинде сакталуусу керек. Текшерүү иштери үчүн алына турган документтердин эң көп бештен бир бөлүгү алгачкы беш жыл ичинде, мындан кийинки жылдары жарымынан көп акцияга ээ болгон инженерлердин жана архитекторлордун ишин текшерүү үчүн жеке жана юридикалык жактар ала турган документтер толугу менен, ал эми башкаруу иши үчүн алына турган документтердин эң көп бештен бир бөлүгү эске алынат.

Төмөндө көрсөтүлгөн подрядчылар тендерге катыша албайт:

1. Ишканасы банкрот болгон же жоюлган, иштери сот тарабынан териштирилип жаткан, банкрот деп жарыяланган, ишмердиги токтотулган же өз өлкөсүндөгү мыйзам жоболо-ру боюнча окшош жагдайда болгондор;

2. Банкрот деп жарыяланган, жоюлууга тийиш деп чечим кабыл алынган, карыздарын төлөбөгөндүгү үчүн соттолуп жаткан же өз өлкөсүндөгү мыйзам жоболору боюнча ок-шош жагдайда болгондор;

3. Түркия Республикасынын же өз өлкөсүнүн мыйзамдары боюнча социалдык төлөмдөр-дү төлөбөгөндөр;

4. Түркия Республикасынын же өз өлкөсүнүн мыйзамдары боюнча салык төлөбөгөндөр;

5. Тендер өткөрүлгөнгө чейинки беш жыл ичинде жүргүзгөн кесиптик ишмердигинен улам соттолгондор;

6. Тендер өткөрүлгөнгө чейинки беш жыл ичинде тендерди өткөргөн администрацияга кызмат көрсөтүүлөрдү көрсөтүп жаткан учурда ишмердигине же кесиптик этикага туура келбеген жосундарды жасагандыгы администрация тарабынан далилденгендер;

7. Тендерди өткөрүү күнүнөн тартып мыйзам боюнча катталган тийиштүү мекеме тарабы-нан кесиптик ишмердигинен ажыратылгандар;

8. Бул беренеде көрсөтүлгөн маалымат жана документтерди бербегендер же туура эмес маалыматтар жана/же жасалма документтерди бергендиги аныкталгандар;

9. Тендерге катыша албай турганы аныкталганына карабастан тендерге катышкандар;

10. Тыюу салынган жосундарды жасагандыгы аныкталгандар.

Бул берене боюнча талап кылынган документтердин ичинен кайсылары милдеттенме ката-ры бериле тургандыгы мекеме тарабынан аныкталат. Чындыкка туура келбеген маалымат-тарды камтыган милдеттенмени берген же тендерди уткан подрядчынын милдеттери жө-нүндөгү документтери келишимге кол коюудан мурун берилбеген учурда тийиштүү подряд-чылар тендерге катыша алышпайт жана убактылуу кепилдиктери киреше болуп эсептелинет.

Тендерге катыша албагандар

16-берене. Төмөндө көрсөтүлгөндөр тике же кыйыр түрдө, же болбосо субподрядчы катары, өздөрүнүн же башкалардын атынан тендерге такыр катыша алышпайт:

1. Убактылуу же туруктуу түрдө мамлекеттик тендерлерге катышуусуна тыюу салынгандар менен Түркия Республикасынын 1991-жылдын 12-апрелинде кабыл алынган 3713-номерлүү “Терроризмге каршы күрөшүү жөнүндөгү” мыйзамында көрсөтүлгөн кылмыштардан же уюшкан кылмыштуулуктан, өз өлкөсүндө же чет өлкөдө мамлекеттик кызматкерлерге пара берүүдөн улам соттолгондор. 

2. Жасалма банкрот кылгандыгы тийиштүү мекемелер тарабынан аныкталгандар;

3. Администрациянын тендерди уюштуруп өткөрүү боюнча жооптуу кишиси менен бул ыйгарым укукка ээ болгон мекемелерде кызмат кылгандар;

4. Администрациянын тендердин жүйөсү болгон иштерге тиешелүү ар түрдүү тендердик иш-чараларды даярдоо, жүзөгө ашыруу, бүтүрүү жана бекитүү боюнча дайындалган-дар;

5. (c) жана (d) пункттарында көрсөтүлгөн кишилердин үй-бүлөсү (аялы же күйөөсү), үчүнчү муунга чейин бир тууган жана экинчи муунга чейинки кайын-журту менен асырап алган балдары болгондор;

6. (c), (d) жана (e) пункттарында көрсөтүлгөн кишилердин өнөктөштөрү менен фирмалары (бул кишилердин башкаруу кеңешинде кызмат ээлебеген же капиталынын жүздөн он пайызынан көп бөлүгүнө ээ болбогон акционердик фирмалардан сырткары).

Тендердин жүйөсү болгон иш боюнча консультациялык кызмат көрсөтүүлөрдү жүзөгө ашырган подрядчылар бул жумуш боюнча тендерге катыша алышпайт. Ошондой эле тендердин жүйөсү болгон иштерди аткарууну моюнга алган подрядчылар дагы бул иштин консультациялык кызмат көрсөтүүлөрү боюнча тендерге катыша алышпайт. Бул тыюу салуулар өз ара өнөктөштүк жана башкаруучулук мамилелери болгон фирмалар менен бул фирмалардын капиталынын жарымынан көп бөлүгүнө ээ болгон фирмаларга карата дагы колдонулат. Тендерди өткөргөн администрацияга караштуу же администрация менен кандайдыр бир байланышы болгон фонддор, кошундар, профсоюз сыяктуу түзүмдөр менен бул түзүмдөр жана бул түзүмдөр өнөктөш болгон фирмалар бул администрациялардын тендерлерине катыша алышпайт.

Бул тыюу салууларга карабастан, тендерге катышкан талапкерлер тендерге катышуудан чет-тетилет жана убактылуу кепилдиктери киреше болуп эсептелинет. Ошондой эле мындай жагдай тендердик сунуштарды баалоодо аныкталбай, тендерге катышкандардын бирөөсү тендерди уткан болсо, кепилдиги киреше болуп эсептелинип, тендер жокко чыгарылат.

Тендердик документтер

17-берене. Тендер өткөрүлө турган ар бир иш үчүн атайын папка ачылат. Бул папкада тендерди уюштуруп өткөрүү боюнча жооптуу кишиден алынган макулдук баракчасы жана анын тиркемесиндеги болжолдуу суммага тиешелүү эсеп таблицасы, тендердик документтер, кулактандыруунун тексти, талапкерлер же подрядчылар тарабынан берилген арыздар же сунуштар жана башка документтер тендердик комиссиянын протоколдору жана чечимдери сыяктуу тендердик процесске байланыштуу бардык документтер менен төмөндө көрсөтүлгөн документтер орун алат:

1. Тендердик документтерде орун алышы зарыл жана жүзөгө ашырууга тийиш болгон жо-болор бул нускаманын тиркемесинде орун алган стандарттык административдик тап-шырмада, техникалык тапшырмада жана стандарттык келишимде жана стандарттык бланктарда көрсөтүлгөн.

2. Подрядчылардын сунуш берүүсүнө негиз болгон тендердик документтер администра-тивдик тапшырмадан, техникалык тапшырмадан, келишимдин долбоорунан, тиркеме-лерден, керектөөлөрдүн тизмесинен жана башка документтерден турат.

3.  Келишимдин жүйөсү болгон иштин өзгөчөлүгү купуялуулукту талап кылса, купуялуулук келишиминин долбоору же жобосу тендердик документтерге тиркелет.

4. Тендердик документтер түрк тилинде даярдалат же чет тилде да даярдалышы мүмкүн.

5. Тендердик документтердин сатылышы каралса, анын суммасы басып чыгаруу сумма-сынан ашпагандай жана атаандаштыкка жолтоо болбогондой болуп аныкталат.

6. Стандарттык административдик тапшырмада жана стандарттык келишимдин берене-леринде өзгөртүү киргизбөө менен кошо сатып алуу ишинин өзгөчөлүгүнө жараша ке-рексиз жоболор жокко чыгарылып, административдик тапшырма жана келишимдин долбоору даярдалат. Административдик тапшырмага жана келишимдин долбооруна кошумча жоболор жазылышы керек болсо, аларга “Башка жоболор” бөлүмүндө орун берилет.

Тапшырмалар

18-берене. Тендердин жүйөсү болгон товарлардын, кызмат көрсөтүүлөрдүн жана курулуш иштеринин түрдүү мүнөздөмөлөрүн аныктаган административдик жана техникалык тапшыр-малар администрация тарабынан даярдалышы керек. Бирок бул документтер товарлардын, кызмат көрсөтүүлөрдүн жана курулуш иштеринин өзгөчөлүктөрүнөн улам администрация тарабынан даярдалышы мүмкүн болбосо, тендерди уюштуруп өткөрүү боюнча жооптуу киши тарабынан макулдук алынгандан кийин бул нускаманын жоболоруна ылайык техникалык тапшырма даярдалат.

Тендердин жүйөсү болгон товарлардын, кызмат көрсөтүүлөрдүн жана курулуш иштеринин техникалык мүнөздөмөлөрү тендердик документтердин бир бөлүгү болуп саналган техни-калык тапшырмада орун алат. Аныктала турган техникалык мүнөздөмөлөр өндүрүмдүүлүктү жана функциялуулукту камсыздашы, атаандаштыкка тоскоолдук жараткан нерселерди кам-тыбашы жана бардык талапкерлер үчүн бирдей мүмкүнчүлүктөрдү бериши керек.

Техникалык тапшырма жергиликтүү жана эл аралык техникалык тапшырмаларга ылайык бо-луусу үчүн ага өзгөртүүлөр киргизилиши мүмкүн. Бул тапшырмада техникалык мүнөздөмө-лөргө жана түшүндүрмөлөргө орун берилет. Белгилүү бир марка, модель, патент, булак же продукция көрсөтүлбөйт жана белгилүү марканын же моделдин мүнөздөмөлөрүнө жана түшүндүрмөлөрүнө орун берилбейт.

Бирок жергиликтүү жана/же эл аралык техникалык стандарттары болбогон же техникалык мүнөздөмөлөрдү аныктоо мүмкүн болбогон учурда “же тең болгон” аныктамасы менен марка же модель көрсөтүлүшү мүмкүн.

Тендердик жана алдын ала квалификациялык документтердин мазмуну жана административдик тапшырмада орун алышы керек болгон жоболор 

19-берене. Тендердик документтерде талапкерлер үчүн көрсөтмөлөр камтылган админи-стративдик тапшырмалар менен аткарыла турган иштин долбоорунда камтылган техникалык тапшырмалар, келишимдин долбоору, керектүү башка документтер жана маалыматтар орун алат. Алдын ала квалификациялык документтерде болсо, талапкерлерге коюлган талаптар, алдын ала квалификациялоонун критерийлери жана керектүү документтер менен маалы-маттар орун алат.

Административдик тапшырмада тендердин жүйөсү боюнча төмөнкү жоболор көрсөтүлөт:

1. Иштин аталышы, өзгөчөлүгү, түрү жана көлөмү, кызмат көрсөтүүлөрдүн мүнөзү;

2. Администрациянын аталышы, дареги, телефон жана факс номерлери;

3. Тендердин түрү, тендерди өткөрүү күнү жана убактысы, сунуштардын тапшырыла турган жери;

4. Талапкерлерге берилүүчү көрсөтмөлөр;

5. Талапкерлерге коюлуучу талаптар, документтер жана баалоонун критерийлери;

6. Тендердик документтердин жоболорунун түшүндүрмөлөрүн талап кылуу жана атка-руу ыкмалары;

7. Сунуштарды колдонуу мөөнөтү;

8. Тендерге консорциумдардын сунуш берер-бербеси, тендердин жүйөсү болгон иштин толук же бир бөлүгүнө сунуш берүүнүн мүмкүн болор-болбосу, товарларды сатып алуу боюнча тендерлерде альтернативдүү сунуштардын берилер-берилбеси, бериле турган болсо, альтернативдик сунуштардын кантип баалана тургандыгы;

9. Жол, камсыздандыруу, салык, бажы алымдары ж.б. төлөмдөрдүн сунуштун наркына кошулар-кошулбасы;

10. Сунуштар жазылган конверттердин кабыл алынышы, ачылышы жана бааланышы боюнча аткарылышы керек болгон жоболор;

11. Тендердик комиссиянын чечими кабыл алынгандан тартып келишимге кол коюлганга чейин аткарылышы керек болгон жана бул мыйзамда аныкталган жол-жоболор;

12. Сунуштун жана келишимдин түрү;

13. Убактылуу жана акыркы кепилдиктин көлөмү менен кепилдик берүү боюнча шарттар;

14. Администрациянын тендер өткөрүү убактысынан мурун тендерди өткөрүүдөн баш тартуу укугу;

15. Администрациянын бардык сунуштарды кабыл албоо жана тендерди өткөрүүдөн баш тартуу укугу;

16. Тендердин жүйөсү боюнча аткарылууга тийиш болгон жумуштардын (баштоо жана бүтүрүү) мөөнөттөрү, орду, өткөрүп берүү шарттары жана бул жумуштар өз убагында бүткөрүлбөгөн учурда колдонулуучу жазалар.

17. Төлөө жери, шарттары жана аванстын төлөнөр-төлөнбөсү; аванс төлөнө турган болсо, шарттары; көлөмү жана келишимдин жүйөсү болгон жумуштар үчүн төлөнө турган болсо, баалардын айырмачылыгынын кандай төлөнө тургандыгы;

18. Ишти бүтүрүү мөөнөтүн жылдыруу учурлары, шарттары жана келишимдин алкагында аткарылуучу иштердин көлөмү көбөйгөн же азайтылган учурда тараптар ортосундагы милдеттер;

19. Салык, бажы алымдары ж.б. төлөмдөр менен келишимге тиешелүү чыгымдардын ким тарабынан каржылана тургандыгы;

20. Курулуш иштери боюнча аткарылчу иштердин жана иш жеринин камсыздандыры-лышы жана курулуш иштерин текшерүү, жоопкерчилик алуу боюнча шарттар;

21. Текшерүү, текшерип көрүү жана кабыл алуу шарттары;

22. Келишпестиктерди жоюу.

Болжолдонгон өздүк нарк

20-берене. Товарларды же кызмат көрсөтүүлөрдү сатып алуу жана курулуш иштери боюнча тендерди өткөрүүдөн мурун администрация тарабынан жалпы тапшырмада аныкталган жол-жоболорду эске алып, бааларды изилдөө иши жүргүзүлүп, кошумча нарк салыгы эсепке алынбастан, болжолдонгон өздүк нарк аныкталат жана жүйөлөрү менен кошо эсеп таблица-сында көрсөтүлөт. Болжолдонгон өздүк нарк тендерди же алдын ала квалификацияны өткө-рүү боюнча кулактандырууларда жарыяланбайт жана талапкерлерге же тендердин про-цессине расмий түрдө тиешеси болбогон башка адамдарга билдирилбейт.

1. Администрация тарабынан талапкердин тендерге катышууга укуктуу болгондугу тууралуу документ даярдалганга чейин бул нускамада көрсөтүлгөн жол-жоболорго жана жалпы тапшырманын негиздерине ылайык тендердин жүйөсү болгон товардын кошумча салык наркы эске алынбастан, болжолдонгон өздүк нарк эсептелинип, жүйөлөрү менен кошо эсеп таблицасында көрсөтүлөт.

2. Алдын ала кулактандыруу жарыяланганга чейин болжолдуу сатып алуулардын же курулуш иштеринин көлөмү негиз катары алынып, эсептелинген болжолдонгон өздүк нарк тендерди же алдын ала квалификацияны өткөрүү боюнча кулактандыруу жарыялангандан мурун сатып алуунун көлөмү жана башка маселелер эске алынып, жаӊыдан эсептелиниши мүмкүн.

3. Тендердин жүйөсү болгон жумуштун, сатып алуунун, курулуш иштеринин бир бөлүгүнө сунуш берүү мүмкүн болгон учурда болжолдонгон өздүк нарк жумуштун ар бир бөлүгү үчүн өз-өзүнчө болуу менен бирге жумуштун толук бөлүгү эске алынып эсептелинет.

4. Атайын өндүрүү процессин талап кылган жумушту жана/же товарларды сатып алуу боюнча тендерлерде жумушчу күчү, материал жана сатып алуу же жумушка тиешелүү башка маселелер (ташуу ж.б.) эске алынып, болжолдонгон өздүк нарк эсептелинет. Администрация тарабынан тендердин жүйөсү болгон жумушту, товарды өндүрүү үчүн подрядчыга бериле турган материалдар менен жабдуулар болжолдонгон өздүк нарк-тын эсептелишинде эске алынбайт. Бирок булардын тизмеси (бар болсо) болжолдон-гон өздүк нарк эсеп таблицасынын тиркемесине кошулат.

5. Тендердик комиссия тарабынан болжолдонгон өздүк нарк сунуштардын наркы менен кошо билдирилет. Тоорук ыкмасы менен өткөрүлгөн тендерде болжолдонгон өздүк нарк акыркы сунуштун наркы менен билдирилет. Бул этапка чейин болжолдонгон өздүк нарк билдирилбейт жана жарыяланбайт.

6. Болжолдонгон өздүк нарк администрациялар тарабынан эсептелиниши керек. Бирок жумуштун өзгөчөлүгүнөн улам администрация тарабынан даярдалышы мүмкүн болбо-гон техникалык тапшырмалар консультациялык кызмат көрсөтүүлөрдү колдонуу менен даярдалат.

7. Болжолдонгон өздүк нарктын тендер өткөрүү күнүнө чейинки мөөнөттө өзгөрүүгө учу-раганы аныкталган учурда; тендердик комиссия өзгөрүүнүн жүйөлөрүн көрсөтүү менен бирге жаңыдан эсептелинген болжолдонгон өздүк наркты эске алат.

ТӨРТҮНЧҮ БӨЛҮМ

Кулактандыруу боюнча жоболор жана кепилдиктер

Тендерди жарыялоонун мөөнөттөрү жана эрежелери

21-берене. Бардык талапкерлерге сунуштарды даярдоо үчүн төмөнкү мөөнөттөр берилет:

1. Ачык тендер өткөрүү боюнча жарыялана турган кулактандыруулар тендер өткөрүү күнүнөн 40 күн мурун берилиши керек;

2. Аныкталган подрядчылардын ортосунда тендер үчүн алдын ала квалификацияны өткө-рүү боюнча кулактандыруулар тендерге арыз берүүнүн акыркы мөөнөтүнөн 14 күн мурун берилиши керек;

3. Тоорук-соода жүргүзүү боюнча жарыялана турган кулактандыруулар тендер өткөрүү күнүнөн 25 күн мурун берилиши жана кеминде бир жолу жарыяланышы керек.

Жарыялана турган тендерлердин ичинен кайсылары басма сөз жана маалымат агенттиги аркылуу түрк гезиттеринин биринде жарыялана тургандыгын аныктоо иши тийиштүү меке-меге жүктөлөт.

Администрация жогоруда айтылган кулактандыруулардан сырткары жумуштун мааниси жа-на өзгөчөлүгүнөн улам тендерлерди эл аралык кулактандыруу же өлкө ичинде чыккан жал-пыга маалымдоо каражаттары, маалымат иштетүү тармагы же электрондук байланыш жол-дору аркылуу да кулактандыруу жарыялашы мүмкүн. Бирок эл аралык кулактандыруу жа-рыяланган учурда, жогоруда аныкталган кулактандырууларды жарыялоо мөөнөттөрүнө он эки күн кошулат.

Тендерди өткөрүү боюнча кулактандырууларда орун алышы керек болгон жоболор:

22-берене. Тендердик документтерде аныкталбаган жоболор кулактандырууда көрсөтүл-бөйт. Кулактандырууда төмөнкү жоболор көрсөтүлүшү керек:

1. Администрациянын аталышы, дареги, телефон жана факс номерлери;

2. Тендердин аталышы, өзгөчөлүгү, түрү жана көлөмү;

3. Товарларды сатып алуу боюнча тендерлерде товарлардын жеткирилүүчү орду, кызмат көрсөтүүлөрдү сатып алуу жана курулуш иштери боюнча тендерлерде кызмат көрсөтүүлөрдүн орду;

4. Тендердин жүйөсү болгон жумушту баштоо жана бүтүрүү мөөнөттөрү;

5. Өткөрүлө турган тендердин түрү, тендерге катышуу шарттары жана талап кылынган документтер;

6. Тендердин өзгөчөлүгүнө жараша талап кылынган, баалоо ишинде колдонулуучу критерийлер;

7. Тендердик документтердин кайсы жерде баалана тургандыгы жана кандай нарк боюн-ча алына тургандыгы;

8. Тендер өткөрүү күнү жана орду;

9. Тендер өткөрүү күнүнө чейин сунуштарды берүүнүн орду;

10. Сунуштун жана келишимдин түрү;

11. Сунуш кылынган нарктын 3%ынан кем эмес болуу менен бирге талапкер тарабынан аныкталган суммада убактылуу кепилдиктин бериле тургандыгы;

12. Сунуштардын колдонуу мөөнөтү;

13. Тендерге консорциумдардын сунуш берер-бербеси;

14. Өнөктөрдүн сунуш берер-бербеси.

Алдын ала квалификацияны өткөрүү боюнча кулактандырууларда орун алышы керек болгон жоболор:

23-берене. Алдын ала квалификацияда каралуучу документтерде аныкталбаган жоболор ку-лактандырууда орун албайт. Бул кулактандырууларда төмөнкү жоболор көрсөтүлүшү керек:

1. Администрациянын аталышы, дареги, телефон жана факс номерлери;

2. Тендердин аталышы, өзгөчөлүгү, түрү жана көлөмү;

3. Товарларды сатып алуу боюнча тендерлерде товарлардын жеткирилүүчү орду, кызмат көрсөтүүлөрдү сатып алуу жана курулуш иштери боюнча тендерлерде кызмат көрсөтүүлөрдүн орду;

4. Тендердин жүйөсү болгон ишти баштоо жана бүтүрүү мөөнөттөрү;

5. Алдын ала квалификацияга катышуу шарттары жана талап кылынган документтер;

6. Алдын ала квалификацияда колдонулуучу критерийлер;

7. Алдын ала квалификация боюнча документтердин кайсы жерде карала тургандыгы жана кандай нарк боюнча алына тургандыгы;

8. Алдын ала квалификацияга катышуу үчүн арызды берүүнүн орду жана акыркы мөөнөтү;

9. Тендерге консорциумдардын сунуш берер-бербеси.

Кулактандыруу жобого туура келбегенде

24-берене. 21-, 22- жана 23- беренелердеги жоболорго туура келбеген кулактандыруулар жарыяланбайт. Мындай учурда кулактандыруулар аталган беренелерге ылайыкталып өзгө-рүлбөсө, тендер же алдын ала квалификация өткөрүлбөйт.

Бирок 21-беренеде аныкталган кулактандыруу жарыяланбаган же кулактандыруу мөөнөт-төрүнө туура келбеген учурлардан сырткары жарыяланган кулактандырууларда 22- жана 23-беренелердин жоболоруна туура келбеген каталар аныкталган учурда, 21-беренеге жараша кулактандыруу мөөнөтү 25 жана 40 күндүк болгон тендерлер үчүн кулактандыруу жарыялан-ган күндөн тарта 15 жумуш күнү, башка тендерлер үчүн 10 жумуш күнү ичинде каталарды оңдоо боюнча кулактандыруу жарыяланып, тендер же алдын ала квалификация өткөрүлүшү мүмкүн.

Тиркемелер жана түшүндүрмөлөр

25-берене.

1. Кулактандыруу жарыялангандан кийин же сунуш талап кылынгандан кийин фирмалар-дан келген тендердик документтерге түшүндүрмөлөр жөнүндөгү сурамдарга жооптор бардык фирмаларга жазуу түрүндө жиберилет.

2. Тендердик документтерге же жарыяланган жол-жоболорго кандайдыр бир өзгөртүүлөр киргизилиши керек болсо, тиркеме түрүндө жарыяланышы керек. Кулактандыруу жарыяланбаган учурда, бардык фирмаларга жазуу түрүндө билдирилиши керек.

3. Талапкерлер сунуштарын даярдоодо тендердик документтерге түшүндүрмөлөр жөнүн-дөгү сурамдарын сунуш берүүнүн акыркы күнүнөн жыйырма күн мурун жазуу түрүндө жибере алышат. Бул талап администрация тарабынан ылайык көрүлгөн учурда, ушул күнгө чейин тендердик документтерди алган бардык талапкерлерге сунуш берүүнүн акыркы күнүнөн он күн мурун аткарылат дагы, сурам жиберген талапкердин аты-жөнү айтылбай жазуу түрүндө жиберилет.

Кепилдиктер

26-берене.

1. Кепилдик алуу зарыл болгон учурда, КНСтен тышкары сунуштун жалпы наркынын 3%ынан кем эмес болуу менен бирге убактылуу кепилдик, КНСтен тышкары кели-шимдин жалпы наркынын 6%ынан кем эмес болуу менен бирге туруктуу кепилдик алынат.

2. Келишимдин алкагында аванс берилген учурда, подрядчыдан аванс көлөмүнүн 50%ынан ашык көлөмдө кепилдик алынат.

3. Иштин өзгөчөлүгүнө жараша убактылуу жана туруктуу кепилдиктен сырткары башка кепилдик дагы караштырылышы мүмкүн. Бул кепилдиктин эмненин ордуна алына тур-гандыгы жана кантип кайтарыла тургандыгы тапшырмада жана келишимде көрсөтүлөт.

4. Сунуштарды колдонуу мөөнөтүнөн отуз күндөн ашык мөөнөт убактылуу кепилдик боюнча жазууларда көрсөтүлөт.

5. Туруктуу кепилдик боюнча жазуулар мөөнөтсүз болушу керек. Бирок бул жазуулардын мөөнөтү тендердин жүйөсү болгон товарларды кабыл алуунун акыркы күнү жана кепилдик мөөнөтү каралган сатып алууларда болсо кепилдик мөөнөтү эске алынып, администрация тарабынан аныкталат.

6. Келишимдеги бир же андан ашык өзгөртүүлөр же кошумча курулуш иштери, же бол-босо товарларды/кызмат көрсөтүүлөрдү сатып алуу үчүн буйрутма берүүдөн улам ке-лишимдин наркы жогорулаган учурда ушул көлөмгө ылайык кошумча туруктуу кепил-дик алынат.

7. Тендерди утуп алган фирманын убактылуу кепилдиги туруктуу кепилдик берилгенден кийин, ал эми башка фирмалардын убактылуу кепилдиги болсо сатып алуу тууралуу чечим бекитилгенден кийин кайтарылат. Тендерде сунушталган нарктар боюнча экинчи орунда турган фирманын убактылуу кепилдиги тендерге тийиштүү келишим жүзөгө ашырылганга чейин сакталат. Келишимден кийин бул экинчи фирманын убактылуу кепилдиги жазуу түрүндө кайтарылат. Келишимдин алкагында алынган туруктуу кепилдик болсо, келишимде аныкталган милдеттер толугу менен аткарылып, кабыл алуу-өткөрүп берүү актысы бекитилгенден кийин 60 күн ичинде кайтарылып берилет.

8. Кепилдик катары кабыл алынуучу баалуулуктар болуп, Кыргызстандын же Түркиянын улуттук акчасы, конвертацияланган чет өлкөлүк валюталар, мамлекеттик баалуу кагаз-дар, карыздык милдеттенмелер жана бул баалуу кагаздардын ордуна колдонулган документтер менен банк жана финансылык уюмдар тарабынан түзүлгөн кепилдик каты саналат.

9. Берилген кепилдиктер кепилдик катары кабыл алынган башка баалуулуктар менен алмаштырылышы мүмкүн.

10. Сырттан сатып алууларда кат түрүндө кепилдик бериле турган болсо, бул кепилдик каты борбору Түркияда жайгашкан банктын кепилдигине таянып, жергиликтүү банк тарабынан берилсе болот.

БЕШИНЧИ БӨЛҮМ

Тендердик процесстин жыйынтыгын чыгаруу жана келишим менен бекитүү

Сунуштарды баалоо, чечим чыгаруу, бекитүү жана келишимге кол коюу

27-берене.

1. Тендер өткөрүү учурунда тендердик табыштама бар конверттер ачылгандан кийин тен-дердик табыштаманы түзгөн документтердеги маанилик мазмунуна таасир тийгизбе-ген кемчиликтер тендердик комиссия тарабынан толукталып, сунуштар тендердик документтерде жана бул жол-жоболордо аныкталган шарттарга ылайык бааланат дагы эң ылайык сунуш аныкталат.

2. Тендердик табыштама бар конверттер ачылардан мурун берилген сунушту кайра ча-кыртып алса болот. Бирок тендердик табыштама бар конвертти кайра чакыртып алган талапкер жаңыдан сунуш бере албайт. Кандай гана себеп болбосун, тендердик табыш-тама бар конверттер ачылгандан кийин сунуштарды кайра чакыртып алууга жана өзгөр-түүгө болбойт. Кулактандырууну же сунушту талап кылуу администрация тарабынан жасалган “келишимди түзүүгө чакыруу”, ал эми сунушту берүү администрацияга карата жасалган “кабыл алуу”болуп саналат.

3. Кепилдик каттын ичинде акча суммасынан сырткары кемчиликтер жана каталар адми-нистрациянын багыттоосу менен оңдолот.

4. Сунуштун наркы тууралуу каттар так жана ачык-айкын даярдалышы керек.

5. Сунуштун наркы бар конверттерди баалоо этабында сунуштарды бири-бири менен салыштырып карап чыгуу үчүн сунуштун наркы өзгөртүлбөстөн фирмалардан түшүндүр-мө талап кылынышы мүмкүн.

6. Тендердик комиссия берилген сунуштарды карап чыккандан кийин башка сунуштарга же администрация тарабынан аныкталган болжолдонгон өздүк наркка карата наркы эң төмөн болгон сунушту аныктайт. Бул сунуштар четке кагылганга чейин аныкталган мөө-нөт ичинде сунуш берген талапкерлерден тендердик табыштамада маанилүү саналган компоненттер менен кошо тийиштүү деталдарды жазуу түрүндө берүүсү талап кылы-нат. Баалоонун жыйынтыктары боюнча, түшүндүрмөлөрү жетишсиз болгон же түшүн-дүрмө бербеген талапкерлердин сунуштары четке кагылат.

7. Тендердик комиссия менен тендерди уткан фирма ортосунда нарк жана башка шарттар боюнча ар түрдүү сүйлөшүүлөр жүргүзүлгөндөн кийин сатып алуу иши жыйынтыкталат. Бирок сунуштун наркынын жогорулабагандыгы сыяктуу сатып алуу ишинин өзгөчөлүк-төрү, көлөмү жана маңызы университеттин пайдасына карата өзгөртүлбөйт.

8. Экономикалык жактан эң ылайык сунушту берген фирманын акыркы сунушу рыноктук нарк жана мурунку сатып алуудагы нарк менен салыштырылып тендердик комиссия тарабынан ылайык көрүлбөсө, бул фирма менен кошо тендерде сунушталган нарктарга жараша аныктала турган санда башка фирмалар тоорукка чакырылышы мүмкүн. Бул жобо административдик тапшырмада көрсөтүлөт.

9. Бирден ашык талапкер тарабынан бирдей нарктын сунушталгандыгы жана бул нарк-тардын экономикалык жактан эң ылайык экендиги аныкталган учурда, талапкерлер даяр болсо ошол эле жыйында, даяр эмес болсо беш күндөн кийин ошол эле саатта жана комиссиянын алдында ачык түрдө тоорук уюштурулат.

Баалоонун жыйынтыгы боюнча экономикалык жактан пайдалуу сунушту берген талапкер тендерди утат.

Экономикалык жактан эң пайдалуу сунуш жалаң гана нарктын маңызына карата же нарк менен кошо иштетүү жана текшерүүнүн өздүк нарктары, өздүк нарктын эффективдүүлүгү, натыйжалуулук, сапаттык жана техникалык баалуулук сыяктуу нарктан сырткары элементтер да эске алынып аныкталат. Экономикалык жактан эң пайдалуу сунуштун наркынан сырткары элементтер да эске алынып, тендерлерде тендердик документтерде бул элементтердин акча эквиваленттүүлүгү же салыштырмалуу салмагы аныкталат.

Эң төмөн нарк экономикалык жактан эң пайдалуу сунуш катары бааланган тендерлерде бирден ашык талапкер тарабынан бирдей нарктын сунушталгандыгы жана бул нарктардын экономикалык жактан эң пайдалуу сунуш экендиги аныкталган учурда, экинчи пунктта анык-талган нарктан сырткары элементтер эске алынып, экономикалык жактан эң пайдалуу сунуш аныкталып, тендер жыйынтыкталат.

Тендердик комиссия жүйөлүү чечимин чыгарып, тендерди уюштуруп өткөрүү боюнча жооп-туу кишинин кароосуна сунуштайт. Чечимдерде талапкерлердин аты-жөнү же фирмалык маркасы, сунушталган нарк, тендер өткөрүү күнү жана тендерди кайсы талапкердин жана кантип жеңип алгандыгы, тендер өткөрүлбөгөн болсо, жүйөлөрү көрсөтүлөт.

Тендерди уюштуруп өткөрүү боюнча жооптуу киши тендердик комиссия тарабынан чечим кабыл алынган күндөн тартып беш жумуш күндүн ичинде тендер тууралуу чечимди бекитет же анын жүйөлөрүн ачык-айкын билдирип жоёт. 

Тендер чечим кабыл алынган күндөн тарта күчүнө кирет, жоюлган учурда күчүн жоготот.

Тендер тууралуу чечимдер тендерди уюштуруу боюнча жооптуу киши тарабынан бекитилер-ден мурун администрация тендерди жеңип алган фирма менен экономикалык жактан эң пайдалуу сунушту берген экинчи талапкердин тендерге катышуусуна тыюу салынган-салын-багандыгын аныктап, бул жөнүндө документти тендер тууралуу чечимге тиркеп коюшу керек. Эки талапкердин катышуусуна тыюу салынган учурда, тендер жоюлат.

Убактылуу кепилдиктен сырткары талапкерлер тарабынан берилген сунуш же билдирме бар папкалар тендер аякталгандан кийин кайтарылбайт. Бирок сунуш же билдирме бар папка-лардын ичинен администрацияга берилген жана башка тендерлерде колдонулушу мүмкүн болгон документтердин түп нускалары талапкердин талабы боюнча өзүнө тапшырылат. Мындай учурда түп нусканын күбөлөндүрүлгөн көчүрмөлөрү администрация тарабынан тендердик архивде сакталышы керек.

Тендердин жыйынтыгы жөнүндө кулактандыруу

28-берене. Администрация тендердин жүйөсү болгон иштин мааниси жана өзгөчөлүгүнө жараша тендердин жыйынтыктарын өлкө ичинде жана чет өлкөдө чыккан расмий гезит, маалыматтар технологиясы же электрондук байланыш жолдору аркылуу жарыялай алат.

Тендерди өткөрүү мөөнөтүн кийинки убакка жылдыруу же жоюу

29-берене. Администрация өзүнүн каалоосу боюнча тендерди өткөрүү мөөнөтүн кийинки убакка жылдыруу, тендерди өткөрүү же өткөрбөө, келишимге кол коюлганга чейинки кан-дайдыр бир этапта жүйөлүү себептерин жазуу түрүндө билдирип тендерди жоюу укугуна ээ. Бул жобо тендерди өткөрүү боюнча кулактандырууларда жана административдик тапшыр-мада көрсөтүлөт.

Тендер тууралуу акыркы чечимдерди билдирүү

30-берене. Тендерди уюуштуруп өткөрүү боюнча жооптуу киши тендер тууралуу чечим бекитилген күндөн тартып үч күн ичинде тендерди уткан фирмага жана сунуш берген бардык талапкерлерге тендердин жыйынтыгын билдирет. Тендердин жыйынтыгын билдирүүдө сунуштардын баалоо ишинде каралып-каралбастыгы же ылайык болор-болбостугу сыяктуу жүйөлөргө да орун берилет.

Тендер тууралуу чечим тендерди уюштуруп өткөрүү боюнча жооптуу киши тарабынан жоюлган учурда, талапкерлерге жүйөлөрү билдирилип, кулактандыруу жарыяланат.

Туруктуу кепилдик 

31-берене. Келишимдин жана тендердик документтердин шарттарына ылайык милдеттен-мелердин аткарылышын камсыздоо үчүн келишим түзүлгөнгө чейин тендерди уткан фирма-дан келишимдин наркынын 6 %ы көлөмүндө убактылуу кепилдик алынат. 

Бирок консультациялык кызмат көрсөтүүлөр боюнча тендерлерде тендердик документтерде билдирүү менен кошо туруктуу кепилдик келишим түзүлгөнгө чейин алынбашы ыктымал. Мындай учурда төлөнө турган ар бир төлөмдөн 6% көлөмүндө кармалган акча каражаты кепилдик катары кабыл алынат.

Келишим түзүү

32-берене.

1. Тендер тууралуу чечим тендерди уюштуруп өткөрүү боюнча жооптуу киши тарабынан бекитилгенден кийин тендердик документтер, тиркемелер жана далилдер эске алынып, “Келишимдин долбоорунун” акыркы формасы иштелип чыгылат.

Тендерди уткан талапкерге билдирүү жасалган күндөн тарта он күн ичинде туруктуу кепилдик бериши жана келишимге кол коюушу керек экендиги билдирилет. Чет өлкө-лүк талапкерлер үчүн бул мөөнөткө дагы он эки күн кошулат.

2. Берилген мөөнөт ичинде курулуш иштери же товарларды/кызмат көрсөтүүлөрдү сатуу сунушунан баш тарткан, сатып алууларда буйрутманы ырастабаган, туруктуу кепил-дикти бербеген же келишим түзбөгөн фирманын убактылуу же туруктуу кепилдиги накталай акчага которулуп, киреше болуп катталат. Мындай учурда административдик тапшырмада көрсөтүү менен экономикалык жактан эң пайдалуу экинчи сунуштун наркы тендерди уюштуруп өткөрүү боюнча жооптуу киши тарабынан ылайык көрүлгөн учурда, сунуштун ээси менен администрация тарабынан бул нускамада аныкталган жобо жана тартипке ылайык келишимге кол коюлат. Экономикалык жактан пайдалуу экинчи сунуштун ээси келишимге кол койбогон учурда, убактылуу кепилдиги киреше болуп катталып, тендер жоюлат.

3. Келишимдердин нотариус тарабынан тастыкталышы зарыл эмес. Администрациянын талабы боюнча келишим нотариус тарабынан тастыкталган учурда, тийиштүү чыгымдар фирма тарабынан каржыланат. Келишимдин нотариус тарабынан тастыкталышы боюнча жобо административдик тапшырмада көрсөтүлөт.

Администрация келишимдин жүзөгө ашырылышы боюнча милдеттенмелерин аныкталган мөөнөт ичинде аткарышы керек. Администрация бул милдеттенмелерди аткарбаган учурда, талапкер аныкталган мөөнөт өткөн күндөн тартып беш күн ичинде он күнгө чейин жарактуу нотариустук ырастама менен милдеттенмелерден баш тарта алат. Мындай учурда убактылуу кепилдик кайтарылат жана талапкер кепилдик берүү үчүн жасаган жана документ менен тастыкталган чыгымдарын талап кылуу укугуна ээ болот. Бул чыгымдар тийиштүү кишилер тарабынан каржыланат.

АЛТЫНЧЫ БӨЛҮМ

Келишимди жоюу, токтотуу жана башка бирөөгө берүү

Келишимди өзгөртүү

33-берене. Келишимге кол коюлгандан кийин келишимдин наркы жогорулабаган жана администрация подрядчы менен өз ара макулдашууга барган учурда төмөнкүдөй жоболор боюнча келишимге өзгөртүүлөр киргизилиши мүмкүн:

1. ишти аткаруунун же өткөрүп берүүнүн орду;

2. ишти аныкталган мөөнөттөн мурун аткаруу же өткөрүп берүү менен иштин мөөнөтү жана бул мөөнөткө тийиштүү төлөө шарттары.

Келишимдин жүйөсү болгон иш боюнча кыйла сапаттуу, актуалдуу жана андан ары өркүндө-түлгөн буюмдар жана/же курулуш материалдары менен товарлар же жарым фабрикат-тардын кодунда өзгөртүүлөр сыяктуу маселелер келишимге өзгөртүү катары киргизилбейт.

Келишимди токтотуу

34-берене. Келишим түзүлгөндөн кийин өзгөчө кырдаалдардан сырткары подрядчы төлөөгө жөндөмсүздүгүнөн улам милдеттенмелерин аткара албастыгы тууралуу жүйөлүү себептерин жазуу түрүндө билдирген учурда, даттануу берүүгө зарылдык болбосо, туруктуу кепилдик жана кошумча туруктуу кепилдиктер бар болсо, киреше катары катталып, келишим токто-тулат, эсеби болсо жалпы жоболорго ылайык жоюлат.

Келишим төмөнкүдөй учурларда жоюлат:

1. Подрядчынын өз милдеттенмелерин тендердик документтин жана келишимдин жоболоруна ылайык аткарбаганы же ишти өз убагында бүтүрбөгөнү үчүн ага тендердик документтерде белгиленген өлчөмдө жаза берилет; администрация он күндүк мөөнөт ичинде бул кемчиликтерди жоюуну эскертсе да, бул талапты аткарбаган учурда;

2. Келишимди жүзөгө ашыруу процессинде подрядчынын төмөнкүдөй тыюу салынган аракеттерди жасагандыгы аныкталган учурда:

1. Алдамчылык, убада, коркутуу, кызматын кыянаттык менен пайдалануу, материал-дык пайда көрүү, паракорчулук ж.б. жолдор аркылуу келишимге тийиштүү иш-чараларда баш аламандык жаратуу жана буга демилге көрсөтүү;

2. Жасалма документ түзүү, колдонуу жана буга демилге көрсөтүү;

3. Келишимдин жүйөсү болгон иш аткарылган же өткөрүлүп берилген учурда жасалма материалдарды, курал-жарактарды же жол-жоболорду колдонуу, табигый илим-дердин жана искусствонун эрежелерин бузган, катасы же кемчилиги бар продукция-ларды иштеп чыгуу;

4. Милдеттенмелерди аткаруу учурунда администрацияга зыян келтирүү;

5. Маалыматтарды жана тажрыйбаларды администрацияга каршы колдонуу;

6. Өзгөчө кырдаалдардан сырткары тендердик документтердин жана келишимдин жоболоруна ылайык милдеттенмелерди аткарбоо;

7. Тендерди уюштуруп өткөрүү боюнча жооптуу кишинин жазуу түрүндө уруксаты болбой туруп, келишимди башка бирөөгө берүү же башка бирөөдөн алуу.

Мындай учурларда даттануу берүүгө зарылдык жок болуп, туруктуу кепилдик жана бар болсо кошумча туруктуу кепилдиктер киреше катары катталып, келишим токтотулат, эсеби болсо жалпы жоболорго ылайык жоюлат. 

Подрядчы тарабынан келишим же анын тиркемесиндеги кандайдыр бир жобо аткарылбаган учурда, бул тууралуу тийиштүү фирмага кат түрүндө билдирүү жиберилип, ага келишимге ылайык милдеттенмелерин аткарышы, абалды оңдошу же соттун чечимин аткарышы үчүн 30 күндөн кем эмес мөөнөт берилет. Бул мөөнөт ичинде кечиктирүү жазасын алат. Подрядчы бул мөөнөт ичинде милдеттенмелерин аткарбаса, башка иш-чарага же чечим чыгарууга зарылдык болбосо, администрация жазуу түрүндө билдирүү жиберип келишимди бир тарап-туу жоё алат.

Киреше катары катталган туруктуу кепилдик подрядчынын карызы болуп эсептелинбейт. Администрациянын ала турган карыздары жана бар болсо кечиктирүү жазасы юридикалык жолдор менен подрядчыдан алынат.

Келишимди жоюу абалы түзүлгөн учурда, тендерди уюштуруп өткөрүү боюнча жооптуу киши келишимди жоюу чечимин ырастайт дагы, кепилдик киреше болуп катталып, ишке ашырылат.

Келишимди токтотуу

35-берене.

1. Жумуштардын бул шарттардын ичинде аякталышы мүмкүн эмес экендиги аныкталган учурда, бул жумуштардын наркы көтөрүлбөй, эсеби жалпы жоболорго ылайык жоюлат.

2. Келишимди токтотуу иш-чаралары фирманын өзү дагы катышкан комиссия тарабынан аткарылат. Келишимди токтотуу боюнча кабыл алына турган комиссиянын чечимдери тендерди уюштуруп өткөрүү боюнча жооптуу киши тарабынан бекитилип, тийиштүү иш-чаралар жүзөгө ашырылат.

Келишимди башка бирөөгө берүү

36-берене.

1. Келишим зарыл болгон учурда тендерди уюштуруп өткөрүү боюнча жооптуу кишинин жазуу түрүндөгү уруксаты аркылуу башка фирмага берилиши мүмкүн. Бирок келишим-ди башка бирөөгө берүүдө алгачкы тендердеги шарттар колдонулушу керек. Бул жобого келишимде орун берилет.

2. Келишимди башка бирөөгө берүү ишинин жүзөгө ашырылышы үчүн келишимди ала турган фирма келишимге кол кое ала тургандай фирма болушу керек. Келишимге кол койгон фирманын аткарбаган же кемчиликтер менен аткарган бардык милдеттенме-лерин жана кечиктирүү жазасы менен кошо бардык иштерин келишимди алган фирма тарабынан аткарыла тургандыгы жазуу түрүндө кабыл алынышы керек.

3. Келишимди башка бирөөгө берүү иш-чарасы боюнча зарыл болгон учурда комиссия түзүлөт.

ЖЕТИНЧИ БӨЛҮМ

Текшерүү, кабыл алуу жана төлөө иш-чаралары

Текшерүү жана кабыл алуу

37-берене.

1. “Текшерүү комиссиясы” түзүлүп, тапшырмада жана/же келишимде аныкталган текше-рүү жана кабыл алуу иш-чаралары толук аткарылгандан кийин тендердин жүйөсү болгон иш кабыл алынат.

2. Текшерүү комиссиясы бир төрага менен кеминде 3 кишиден түзүлөт.

3. Текшерүү комиссиясы иштерин бүтүргөндө, текшерүү ишинин жыйынтыктарын камтыган деталдуу отчётту даярдайт.

4. Подрядчы-фирмалар кааласа, ыйгарым укуктуу өкүлдөрү менен же башка бирөөнү дайындоо аркылуу текшерүү ишине катыша алышат.

5. Текшерүү ишинин жыйынтыгы боюнча даярдалган отчёт тууралуу билдирүү жасалган күндөн тартып 3 күн ичинде подрядчы-фирма администрацияга жазуу түрүндө наара-зычылыгын билдире алат. Текшерүү убагында подрядчынын ыйгарым укуктуу өкүлүнүн ордунда болушу жана текшерүү комиссиясынын отчётуна кол коюушу керек экендиги подрядчыга билдирилет. Подрядчынын ыйгарым укуктуу өкүлү ордунда болбогон же текшерүү комиссиясынын отчетуна кол коюудан баш тарткан учурда текшерүү комис-сиясынын отчёту администрация тарабынан жазуу түрүндө билдирилет. Нааразычылык арызы боюнча алгачкы текшерүү ишине катышпагандардан түзүлгөн комиссияга, кесиптик уюмга же расмий мекемелерге экинчи текшерүү иши жүргүздүрүлөт. Бул текшерүү иши тараптар үчүн акыркы жана негиздүү болот. Текшерүү ишинин чыгымда-ры ким тарабынан каржылана тургандыгы келишимде көрсөтүлөт.

6. Сатып алууларда, тендердик комиссия түзүлбөстөн жүргүзүлгөн товарларды/кызмат көрсөтүүлөрдү жана консультациялык кызмат көрсөтүүлөрдү сатып алууларда текше-рүү комиссиясына муктаждык болбосо, сатып алуунун жүйөсүн, эсеп-фактурасын же чыгымдарды көрсөткөн документ талап кылган бөлүмдүн керектөөсүнө ылайык экен-диги аныкталып жана кол коюлуп кабыл алынат. Курулуш иштеринде болсо, текшерүү ишинин кабыл алынышы (алдын ала текшерүү – убактылуу кабыл алуу – акыркы кабыл алуу) шарт.

Төлөмдөр

38-берене.

1. Сатып алуу иштерине тийиштүү төлөмдөргө байланыштуу жоболор тапшырмада жана келишимдерде көрсөтүлөт.

2. Чет өлкөлүк валютага негизделген курулуш иштеринде жана/же сатып алууларда колдонула турган курс административдик тапшырмада көрсөтүлөт.

ЭКИНЧИ БӨЛҮК

Сатуу боюнча иш-чаралар

БИРИНЧИ БӨЛҮМ

Сатуунун негиздери

Сатуунун негиздери

39-берене. Университетте артыкпаш материалдарды (колдонулуш жери калбаган, техноло-гиялык жактан эскирген, колдонулган же колдонууга жараксыз болгон ж.б.) сатуу каралган учурда, сатуу иш-чарасы төмөнкүдөй жол-жоболорго ылайык ишке ашырылат.

Сатуунун жол-жоболору

40-берене. Университеттеги артыкпаш, колдонууга майнапсыз кыймылдуу мүлктөр менен колдонууга жараксыз болгон материалдарды сатууда төмөнкүдөй ыкмалар колдонулат:

1. Ачык түрдө сатуу. Бул пунктта көрсөтүлгөн сатуу ыкмаларынын бирөөсү же бир нечеси колдонулуп, суроо-талап жетиштүү санда болбогонунан сатылбай калган, администра-циянын кампасында сакталган кыймылдуу мүлктөрдү болжолдуу нарк боюнча сатуу ыкмасы колдонулат. Бул ыкма боюнча комиссия тарабынан администрация белгилеген мөөнөт ичинде администрацияга берилген арыздар боюнча сатып алуучулар аныкталат.

2. Ачык тоорук аркылуу сатуу. Бул ыкма боюнча администрация тарабынан кыймылдуу мүлк үчүн аныкталган болжолдуу нарк сатып алуучулардын ортосунда жогорулатылып, сунушталган эң жогорку нарк боюнча сатып алуучу аныкталат.

3. Тоорук аркылуу сатуу. Бул ыкма боюнча болжолдуу наркы жана сатуунун негиздери администрация тарабынан аныкталып, сатыла турган кыймылдуу мүлктөрдү дүң сатуу-да жана сатуунун жүйөсү болгон кыймылдуу мүлктөрдүн болжолдуу наркынан төмөн болбогондой кылып сатуунун акыркы наркы аныкталат.

4. Бекитилген конверт аркылуу сатуу. Бул ыкма боюнча сунуштар бекитилген конверт түрүндө алынган учурда, администрация тарабынан аныкталган болжолдуу нарктан төмөн болбогон, сунушталган эң жогорку нарк боюнча сатуунун наркы аныкталат.

ҮЧҮНЧҮ БӨЛҮК

Ишке ашыруу жана жоопкерчилик алуу, аныкталбаган жоболор, убактылуу жол-жоболор, күчүнө кирүү жана жүзөгө ашыруу

Ишке ашыруу жана жоопкерчилик алуу

41-берене. Университеттин ыйгарым укугун, милдетин же жоопкерчилигин алган ар бир кызматкер бул нускаманын жоболору жана университет көз каранды болгон башка ченем-дик укуктук актынын жоболору алкагында бул нускаманын жоболорунун жүзөгө ашыры-лышы үчүн жооптуу болот.

Аныкталбаган жоболор

42-берене. Бул нускама Камкорчулар кеңешинин чечимдери менен ректораттын “билдирүү” жана “уюштуруу” боюнча чечимдери, бул чечимдерге каршы келген нускаманын башка жоболору менен бирге ишке ашырылат.

Бул нускамада орун албаган жоболор боюнча тендердин жүйөсү болгон ишке байланыштуу өзгөртүүлөрдү жалпы тапшырмага, административдик тапшырмага жана келишимдин долбооруна киргизсе болот.

Убактылуу жол-жоболор

43-берене. Бул нускаманын күчүнө кириши менен Камкорчулар кеңешинин 1998-жылдын 27-сентябрында 4-номерлүү чечими менен кабыл алынган “Кыргыз-Түрк “Манас” университетинин сатып алуу жана тендерди өткөрүү боюнча нускамасы” жана өзгөртүүлөрү менен бирге аталган нускамага байланыштуу жоболор күчүн жоготот.

Бирок бул нускама күчүнө кирген күндөн мурун жарыяланган иштерде күчүн жоготкон ченемдик укуктук актылардын жоболору колдонула берет.

Күчүнө кириши

44-берене. Бул нускама 2012-жылдын 1-июлунда күчүнө кирген.

Ишке ашырылышы

45- берене. Бул нускаманын жоболору Ректор тарабынан жүзөгө ашырылат.

Бул нускама Камкорчулар кеңешинин 2012-жылдын 28-мартындагы 2012-01/2-е номерлүү чечими менен кабыл алынган.