КЫРГЫЗ-ТYРК “МАНАС” УНИВЕРСИТЕТИНИН АДМИНИСТРАТИВДИК КЫЗМАТКЕРЛЕРГЕ АШЫКЧА ИШТЕГЕНИ ҮЧҮН АКЫ ТӨЛӨӨ ЖӨНҮНДӨ ЖОБОСУ
Максаты
1-берене. Бул жобонун максаты – Кыргыз-Түрк “Манас” университетинин административдик кызматкерлерине ашыкча иштегени үчүн кошумча акы төлөө жол-жобосун жөнгө салуу.
Мазмуну
2-берене. Бул жобо Кыргыз-Түрк “Манас” университетинде келишимдин негизинде иштеген бардык административдик кызматкерлерди камтыйт.
Укуктук негиздеме
3-берене. Бул жобо “Кыргыз-Түрк “Манас” университетинин административдик кызматкерлер боюнча нускамасынын” 16-беренесине ылайык даярдалды.
Аныктамалар жана кыскартуулар
4-берене. Бул жободо төмөнкүдөй түшүнүктөр колдонулат:
|
Университет :
|
Кыргыз-Түрк “Манас” университети;
|
|
Кызматкер :
|
Кыргыз-Түрк “Манас” университетинде бир жылдык же убактылуу мөөнөткө эмгек келишиминин негизинде эмгектенген административдик кызматкерлер;
|
|
Нускама :
|
“Кыргыз-Түрк “Манас” университетинин административдик кызматкерлер боюнча нускамасы”;
|
|
Ченемден ашыкча иштегени үчүн төлөнүүчү акы :
|
Административдик кызматкерлерге негизги иш убактысынан сырткары ченемден ашыкча иштегени үчүн төлөнүүчү кошумча акы.
|
Ченемден ашыкча иштегени үчүн кошумча акы төлөө шарттары
5-берене. “Административдик кызматкерлер боюнча нускаманын” 16-беренесине ылайык, кызматкердин ченемден ашык же дем алыш күндөрү иштей тургандыгын билдирген жана тийиштүү бөлүм башчысы тарабынан кол коюлган документ тийиштүү кызматкерге берилиши керек. Бул документи жок уруксатсыз иштеген учурда ченемден ашык иштегенге кирбейт жана акы төлөнбөйт. Вахталык ыкма менен эмгектенген кызматкерлердин иши негизги иш убактысынан кийинки учурга же дем алыш күндөрүнө туш келсе, кошумча акы төлөнбөйт. Ошондой эле зарыл болгон кырдаалда иш убактысынан сырткары нөөмөткө турса, кошумча акы төлөнбөйт.
6-берене. Административдик кызматкерлердин ченемден ашыкча иштөө убактысы бир айда кырк сааттан ашпоосу зарыл. Бирок жетекчилердин айдоочуларынын бир ай ичиндеги ченемден ашыкча иштөөлөрү эске алынып, финансылык документтерге кол коюу укугуна ээ жетекчинин макулдугу менен жогоруда белгиленген кырк саат эң көп дегенде эки эсеге чейин көбөйтүлүшү мүмкүн.
7-берене. Башкармалыктын башчысына жана ушуга барабар даражадагы же мындан да жогорку кызматтагы жетекчилерге ашыкча иштегени үчүн акы төлөнбөйт. Административдик кызматкерлердин расмий эс алуу жана майрам күндөрү жыл сайын Окумуштуулар кеӊеши тарабынан аныкталат.
Ашыкча иштегени үчүн төлөнө турган кошумча акы
8-берене. Административдик кызматкерлердин иш убактысынан тышкары ченемден ашыкча иштегени үчүн саатына жалпы айлык акысынын 1/200ү төлөнөт. Окумуштуулар кеңеши жыл сайын аныктаган академиялык календарда белгиленген расмий эс алуу жана майрам күндөрүндө кошумча иштегени үчүн саатына жалпы айлык акысынын 1/100ү төлөнөт.
9-берене. Кызматкерлердин аткарган кызматынын өзгөчөлүгү эске алынуу менен ченемден ашык иштеген саатынын акысы Камкорчулар кеңешинин төрагасынын макулдугу менен эң көп 50%га жогорулатылышы же бул жободогу өлчөмгө ылайык азайтылышы мүмкүн.
Күчүнө кириши
10-берене. Бул жобо Кыргыз-Түрк “Манас” университетинин Камкорчулар кеңеши бекиткен күндөн тарта күчүнө кирет.
Ишке ашырылышы
11-берене. Бул жобо Кыргыз-Түрк “Манас” университетинин Ректору жана Биринчи проректору тарабынан ишке ашырылат.
Бул жобо Кыргыз-Түрк “Манас” университетинин Камкорчулар кеңешинин 2014-жылдын 19-майындагы 2014-01/5-номерлүү чечими менен төмөнкү себептерден улам өзгөртүлгөн.
Камкорчулар кеңешинин 1998-жылдын 27-сентябрындагы 2-1/5-номерлүү чечими менен күчүнө кирген “КТМУнун административдик кызматкерлер боюнча нускамасы” Камкорчулар кеңешинин 2008-жылдын 18-ноябрындагы 2008-02/3-номерлүү чечими менен жоюлуп, “Административдик кызматкерлер боюнча нускамасынын” жаңы варианты кабыл алынгандыгына байланыштуу КТМУнун административдик кызматкерлерине ченемден ашыкча иштегендиги үчүн төлөнө турган акы жөнүндө жобонун “Укуктук негиздеме” деп аталган 3-беренесиндеги “Административдик кызматкерлер боюнча нускамасынын 12-беренеси” деген сүйлөм “Административдик кызматкерлер боюнча нускамасынын 16-беренеси”, “Ченемден ашыкча аткарылган иштер үчүн акы төлөөнүн шарттары” деп аталган 5-беренедеги “нускаманын 12-беренеси” деген сүйлөм “нускаманын 16-беренеси” деп өзгөртүлүшү, мындан сырткары “Ченемден ашыкча аткарылган иштер үчүн төлөнө турган акы” деп аталган 8-беренедеги “нускаманын 13-беренесинде белгиленген” деген сүйлөм “дем алыш күндөрү менен университеттин Окумуштуулар кеңеши аныктаган академиялык календардагы жана андан сырткаркы” деп өзгөртүлүшү боюнча бир добуштан чечим кабыл алынды.
Бул жобо Кыргыз-Түрк “Манас” университетинин Камкорчулар кеңешинин 2001-жылдын 9-февралында өткөрүлгөн 2001-4-жыйынынын 1-отурумунда бекитилген.
